الخوف صحارى..
وانت بن نوح .. جهلك طوفانك
مهما ان عليت جبل الظنون
طول انتظارك
يهلكك..
معصوبه عينك بالشكوك
مش شايفه عيتك حتى ضلك
رغم ان قرص الشمس فوقك
ليل الضمير
حالك يضلك
حتى أحلامك ف جوفك
فضيت بكارة صدقها
خفت التبنى
رضعتها من بز خوفك
لبن بطعم المستحيل
نجيل غيطان الظن طارح ف الرمال
مسقى عرق جلد التردد
طرحك مرار
تقطف إيديك منه الثمر
واما يدوق المر طعم الشفتين
يلقاه ... ... أمر
فمن المحال
يبقى الحياه فيها أى شىء م الاحتمال
***
جميل
ردحذفالله عليك يا حسام يا ابن نوح رائعه طبعا انت عارف انا بحب القصيده دي اد ايه فــ شهادتي فيها وليك مجروحه
ردحذفالسلام عليكم
ردحذفقريت القصايد اللى فى المدونةكلها حلوة جدا بس ليه التوقف نتمنى العودة قريبا وامتعنا بالمزيد
مع خالص تحياتى